سپریم کورٹ میں آج اصغر خان کیس کی سماعت ہوگی سپریم کورٹ میں آج اصغر خان کیس کی سماعت ہوگی

سپریم کورٹ میں اصغر خان کیس کی سماعت آج پھر ہو گی، چیف جسٹس افتخار محمد چوہدری کی سربراہی میں تین رکنی بینچ کیس کی سماعت کرے گا۔گزشتہ سماعت پر عدالت نے انٹیلی جنس بیورو کی جانب سے خفیہ فنڈز سیاسی مقاصد کے لئے خرچ کیے جانے کا نوٹس لیتے ہوئے حکومت سے جواب طلب کیا تھا۔ عدالت نے سیاست دانوں میں رقوم کی تقسیم کے حوالے سے بنائے گئے مہران بینک کمیشن اور حبیب بینک کمیشن کی رپورٹس بھی حکومت سے طلب کر رکھی ہیں۔ اصغر خان کی جانب سے سلمان اکرم راجہ کیس کی پیروی کر رہے ہیں جبکہ سابق آرمی چیف جنرل مرزا اسلم بیگ سابق ڈی جی آئی ایس آئی اسد درانی اور مہران بینک کے سابق چیف ایگزیکٹو یونس حبیب اس مقدمے میں مرکزی فریق  ہیں۔