نجی ائیر لائنز کے طیاروں کو کل سے گرائونڈ کرنے کا حکم نجی ائیر لائنز کے طیاروں کو کل سے گرائونڈ کرنے کا حکم

وزارت دفاع نے نجی ائیر لائنز کے تمام طیاروں کو فٹنس سرٹیفیکیٹ کےلئے کل سے گرائونڈ کرنے کا حکم دیدیا ہے۔وزارت دفاع نے تمام نجی ائرلائنز کے طیاروں کو فٹنس سرٹیفیکیٹ کے لئے کل سے گراونڈ کرنے کاحکم دیدیا ہے۔ وزیر دفاع احمد مختار کا کہنا ہے کہ فٹنس سرٹیفیکیٹ کے بغیر اب نجی ائر لائنز کے طیارے پرواز نہیں کرسکیں گے۔ دنیا نیوز سے گفتگو میں احمد مختار کا کہنا تھا کہ گراونڈ کئے گئے طیاروں کی چیکنگ کاعمل تین سے چار روز میں مکمل کیا جائے گا اور بھوجا ائر لائن کا حادثے کا شکار طیارہ عالمی معیار کے مطابق نہ ثابت ہوا تو کمپنی کا لائسنس منسوخ کر دیا جائیگا جب کہ ابتدائی تحقیقاتی رپورٹ میں تین سے چار ہفتے لگ سکتے ہیں۔ تباہ ہونے والے بھوجا ائیر لائن کے طیارے کا بلیک باکس مل چکا ہے جو اس وقت سول ایویشن اتھارٹی کے پاس ہے جسے ڈی کوڈ کرنے کے لئے ایس او پی پرعمل کیا جائے گا اور باہر سے ٹیم آئے  گی۔